जुम्लामा जन्म र मृत्यु संस्कारका लागि ९०४ जनाले पाए अनुदानको चामल

गत आर्थिक वर्षमा जुम्लाका आठ स्थानीय तहका ९०४ जनाले जन्म र मृत्यु संस्कारका लागि दिइने अनुदानको चामल प्राप्त गरेका छन्। खाद्य व्यवस्था तथा व्यापार कम्पनी लिमिटेड जुम्लाका शाखा प्रमुख मनोज जोशीका अनुसार जन्मतर्फ ५५८ र मृत्युतर्फ ३४६ जनाले यो सुविधा लिएका हुन्। प्रति परिवार ३० केजीका दरले वितरण गरिएको यो अनुदानले दुर्गम क्षेत्रका नागरिकलाई राहत पुर्याएको छ।