कानुनी तथा नीतिगत अस्पष्टता हटाउन सरकार गम्भीर छ : मन्त्री सोविता गौतम

कानुन, न्याय तथा संसदीय मामिलामन्त्री सोविता गौतमले कानुनी र नीतिगत तहमा रहेका अस्पष्टता हटाउन सरकार गम्भीरतापूर्वक लागिपरेको बताउनुभएको छ। प्रतिनिधिसभा अन्तर्गतको कानुन, न्याय तथा मानवअधिकार समितिको बैठकमा बोल्दै उहाँले फैसला कार्यान्वयनका क्रममा देखिएका समस्या समाधान गर्न नीतिगत स्पष्टता आवश्यक रहेको औंल्याउनुभयो। मन्त्री गौतमले कार्यान्वयनमा रहेका अल्झनहरूलाई चिर्दै अघि बढ्ने प्रतिबद्धता समेत व्यक्त गर्नुभयो।