बाढीपीडितको सहयोगका लागि सुनसरीका मुस्लिम समुदायद्वारा ६२ लाख रुपैयाँ हस्तान्तरण

भोटेकोशी र रसुवाका बाढीपीडितहरूको राहत तथा पुनर्निर्माणका लागि नेपाली मुस्लिम समाज सुनसरीले ६२ लाख ४५ हजार ४९ रुपैयाँ सहयोग गरेको छ। देशभरका मस्जिद, मदरसा, सामाजिक संस्था र विदेशमा रहेका नेपाली मुस्लिमहरूबाट संकलित उक्त रकम जिल्ला प्रशासन कार्यालय सुनसरीमार्फत प्रधानमन्त्री दैवीप्रकोप उद्धार कोषमा जम्मा गरिएको हो। प्राकृतिक विपत्तिमा परेकाहरूलाई मानवीय सहायता पुऱ्याउने उद्देश्यले यो आर्थिक सहयोग प्रदान गरिएको हो।