सरकार सुशासन र विपद् व्यवस्थापनमा असफल भएको वर्षमान पुनको आरोप

प्रतिनिधिसभा सदस्य तथा पूर्व अर्थमन्त्री वर्षमान पुनले वर्तमान सरकार नागरिकका समस्या समाधान गर्न र विपद् व्यवस्थापनमा पूर्णतः असफल भएको बताएका छन्। प्रतिनिधिसभाको बैठकमा विशेष समय लिएर बोल्दै उनले सरकार सुशासन, जवाफदेहिता र नागरिक सुरक्षाको विषयमा गम्भीर रूपमा चुकेको आरोप लगाए। पुनले सरकारको सुशासनको नारा केवल भाषणमा मात्र सीमित भएको भन्दै आलोचना गरे।