बेँसीसहर-चामे सडकमा तीनवटा काठे पुलको भर, वर्षायाममा यात्रा जोखिमपूर्ण

लमजुङलाई हिमाली जिल्ला मनाङसँग जोड्ने बेँसीसहर-चामे सडक खण्डमा हाल तीनवटा काठे पुल रहेका छन्। डुम्रे-बेँसीसहर-चामे सडक आयोजनाका सूचना अधिकारी नवीन विष्टका अनुसार चामे बजार क्षेत्रमा दुईवटा र स्यार्कु खोलामा एउटा काठे पुल रहेको छ। वर्षायाममा खोलामा पानीको बहाव बढ्दा यी अस्थायी पुलहरूबाट सवारीसाधन आवतजावत गर्न निकै जोखिमपूर्ण हुने गरेको छ।