सप्तरीमा पैसा नभएर सुत्केरी निकालिएको घटनाप्रति सांसद लिमा अधिकारीद्वारा आपत्ति

राष्ट्रिय स्वतन्त्र पार्टीकी सांसद लिमा अधिकारीले सप्तरीमा पैसाको अभावमा एक गर्भवती महिलालाई अस्पतालबाट निकालिएको भनिएको घटनाप्रति प्रतिनिधि सभामा आपत्ति जनाउनुभएको छ। उहाँले पैसा नभएकै कारण सुत्केरीलाई अस्पतालबाट निकालिनु राज्यका लागि लज्जाको विषय भएको बताउनुभयो। सो क्रममा उहाँले आफ्ना पिता तथा पूर्वअर्थमन्त्री स्वर्गीय भरतमोहन अधिकारीले सुरक्षित मातृत्व र सुत्केरी भत्ताका लागि पुर्‍याउनुभएको योगदानको स्मरण गर्नुभयो। अधिकारीले आर्थिक अभावका कारण कोही पनि नागरिक स्वास्थ्य सेवाबाट वञ्चित हुन नहुनेमा जोड दिनुभयो।