रास्वपाद्वारा ‘राइट टु रिकल’ सम्बन्धी दस्तावेज निर्माण गर्न ११ सदस्यीय समिति गठन

राष्ट्रिय स्वतन्त्र पार्टी (रास्वपा) ले 'राइट टु रिकल' सम्बन्धी दस्तावेज तयार पार्न ११ सदस्यीय समिति गठन गरेको छ। पार्टीका महामन्त्री एवं सांसद विपिन कुमार आचार्यको संयोजकत्वमा सो समिति गठन गरिएको हो। निर्वाचित प्रतिनिधिहरूलाई फिर्ता बोलाउने प्रावधानका लागि आवश्यक नीति निर्माण गर्न यो पहल सुरु गरिएको हो।

राष्ट्रिय स्वतन्त्र पार्टी (रास्वपा) ले ‘राइट टु रिकल’ सम्बन्धी दस्तावेज तयार पार्न महामन्त्री विपिनकुमार आचार्यको संयोजकत्वमा ११ सदस्यीय समिति गठन गरेको छ। भदौ ५ गते बसेको केन्द्रीय कमिटीको बैठकको निर्णयअनुसार गठित यस समितिमा गणेश पराजुली, मनिष झा, र समीक्षा बास्कोटा लगायतका सदस्यहरू रहेका छन्। पार्टी प्रवक्ता जगदीश खरेलका अनुसार यो समितिले जनप्रतिनिधिलाई फिर्ता बोलाउने प्रावधानसम्बन्धी आवश्यक नीतिगत दस्तावेज निर्माण गर्नेछ।