अमेरिकामा एच-१बी भिसावाहकको ६० दिने ग्रेस पिरियड हटाउने प्रस्ताव

ट्रम्प प्रशासनले अमेरिकामा रोजगारी गुमाएका एच-१बी भिसावाहकहरूलाई दिइँदै आएको ६० दिने 'ग्रेस पिरियड' हटाउने प्रस्ताव गरेको छ। अमेरिकी गृह सुरक्षा विभागले सार्वजनिक गरेको नयाँ नियम अनुसार अब दक्ष विदेशी कामदारले जागिर गुमेपछि नयाँ रोजगारदाता खोज्न समय पाउने छैनन्। हालको व्यवस्थामा कामदारहरूलाई नयाँ स्पन्सर खोज्न वा भिसा स्थिति परिवर्तन गर्न ६० दिनको सुविधा दिइएको छ। बिहीबार अनलाइनमार्फत सार्वजनिक गरिएको सरकारी सूचनामा यो नयाँ प्रावधानबारे जानकारी दिइएको हो।