सरकारी कार्यालयमा विचौलिया रोक्न र सेवा प्रवाह प्रभावकारी बनाउन गृह मन्त्रालयको निर्देशन

गृह मन्त्रालयले सरकारी कार्यालयहरूमा सेवाग्राहीसँग गैरकानुनी रूपमा रकम असुल्ने विचौलियाहरूमाथि निगरानी गरी कारबाही गर्न जिल्ला प्रशासन कार्यालयहरूलाई पाँच बुँदे परिपत्र जारी गरेको छ। मन्त्रालयका सहसचिव आनन्द काफ्लेद्वारा जारी निर्देशनमा सेवा प्रवाहलाई छिटो, छरितो र प्रभावकारी बनाउन भनिएको छ। मन्त्रालयले अपाङ्गता भएका व्यक्ति, ज्येष्ठ नागरिक, गर्भवती महिला र दुर्गमबाट आएका सेवाग्राहीलाई प्राथमिकता दिन तथा नागरिक सहायता कक्षमार्फत फारम र अनलाइन आवेदनमा निःशुल्क सहयोग गर्न समेत निर्देशन दिएको छ।