बीआरआई ग्लोबल साउथका देशहरूको साझा लाभका लागि महत्त्वपूर्ण परियोजना : अध्यक्ष दाहाल

राष्ट्रिय सभाका अध्यक्ष नारायणप्रसाद दाहालले चीनले अघि सारेको बेल्ट एन्ड रोड इनिसिएटिभ (बीआरआई) ग्लोबल साउथका देशहरूको साझा लाभका लागि महत्त्वपूर्ण परियोजना भएको बताउनुभएको छ। काठमाडौँमा आयोजित ‘ताङको पश्चिमी क्षेत्रको अभिलेख’ पुस्तकको नेपाली संस्करण विमोचन समारोहमा बोल्दै उहाँले यस परियोजनाको महत्त्वमाथि प्रकाश पार्नुभयो। सो अवसरमा अध्यक्ष दाहालले चिनियाँ राष्ट्रपति सी चिनफिङले चीनलाई आधुनिक र समृद्ध राष्ट्र बनाउन खेलेको भूमिकाको समेत चर्चा गर्नुभयो।