हिउँदमा विद्युत आपूर्ति सहज बनाउन गृहकार्य भइरहेको छ: मन्त्री विराज भक्त श्रेष्ठ

ऊर्जा, जलस्रोत तथा सिँचाइ मन्त्री विराज भक्त श्रेष्ठले जाडोयाममा विद्युत आपूर्ति सहज बनाउन गृहकार्य भइरहेको बताउनुभएको छ। राष्ट्रिय स्वतन्त्र पार्टीको कार्यालयमा सञ्चारकर्मीहरूसँग कुरा गर्दै उहाँले रसुवाको भोटेकोशीमा आएको बाढीले पूर्वाधारमा क्षति पुर्याउँदा प्रणालीबाट १० प्रतिशत विद्युत बाहिर गएको जानकारी दिनुभयो। यस चापका बीच पनि नेपाल विद्युत प्राधिकरणले राष्ट्रिय प्रसारण लाइनलाई व्यवस्थित बनाउन प्रयास गरिरहेको मन्त्री श्रेष्ठले उल्लेख गर्नुभयो।