रवि लामिछानेमाथि लागेको आरोपप्रति रास्वपाको नियमापत्ति

रवि लामिछानेले अदालत जलाउन निर्देशन दिएको आरोपपछि रास्वपाको नियमापत्ति

राष्ट्रिय स्वतन्त्र पार्टीका सभापति रवि लामिछाने तत्कालीन गृहमन्त्री रहेको समयमा अदालत जलाउन निर्देशन दिएको भन्दै अभिव्यक्ति नेकपा एमाले सांसदले सदनमा दिएपछि रास्वपाले नियमापत्ति गरेको छ ।सोमबारको प्रतिनिधिसभा बैठकको शून्य समयमा बोल्दै एमाले सांसद गंगादेवी श्रेष्ठले केही दिन अघि सर्वोच्च अदालतमा आगलागी भएको विषयमा प्रश्न उठाउँदै जेनजी आन्दोलनको समयमा रास्वपाले अदालत जलाएको आरोप लगाइन् ।उनले जेनजी आन्दोलनमा छानी-छानी फाइल जलाएको भन्दै पटक-पटक पुनः किन आगो लाग्छ भन्दै प्रश्न गरिन् ।