एआईआईबीको उपाध्यक्षमा नेपाल निर्वाचित, अर्थमन्त्री वाग्ले स्वदेश फिर्ता

अर्थमन्त्री डा. स्वर्णिम वाग्ले एसियाली पूर्वाधार लगानी बैंक (एआईआईबी) को बोर्ड अफ गभर्नर्सको ११औँ वार्षिक बैठकमा सहभागी हुन शनिबार साँझ कतारको दोहा प्रस्थान गरेका छन्। उनी नेपाली प्रतिनिधिमण्डलको नेतृत्व गर्दै साँझ ७ बजे कतार एयरवेजको उडानमार्फत दोहा गएका हुन्। मन्त्री वाग्लेसँग अर्थ मन्त्रालयको आर्थिक सम्बन्ध महाशाखाका प्रमुख अमृत लम्साल पनि सहभागी छन्। बैठकमा वाग्लेले नेपालको पूर्वाधार विकास तथा जलवायुसम्बन्धी प्राथमिकताबारे छलफल गर्ने अपेक्षा गरिएको छ।

अर्थमन्त्री डा. स्वर्णिम वाग्लेले कतारको दोहामा एसियाली पूर्वाधार लगानी बैंक (एआईआईबी) को बोर्ड अफ गभर्नर्सको ११औँ वार्षिक बैठकका अवसरमा आइतबार बैंकका अध्यक्ष जोउ जियायीसँग भेटवार्ता गरे। भेटमा मन्त्री वाग्लेले नेपालमा एआईआईबीको लगानी विस्तार गर्न, विपद्पछिको पुनर्निर्माणमा सहयोग गर्न र नेपालको रियायती ऋणमा पहुँच बढाउन आग्रह गरे। उनी शनिबार साँझ अर्थ मन्त्रालयको आर्थिक सम्बन्ध महाशाखाका प्रमुख अमृत लम्सालसहित नेपाली प्रतिनिधिमण्डलको नेतृत्व गर्दै दोहा प्रस्थान गरेका थिए।

अर्थमन्त्री डा. स्वर्णिम वाग्ले एसियाली पूर्वाधार लगानी बैंक (एआईआईबी) को बोर्ड अफ गभर्नर्सको ११औँ वार्षिक बैठकमा सहभागी भएर असोज १४ गते स्वदेश फर्किएका छन्। कतारको दोहामा असोज १२–१३ गते "Tomorrow's Infrastructure: Impact and Innovation" विषयमा सम्पन्न उक्त बैठकमा मन्त्री वाग्लेले एआईआईबीका अध्यक्ष जोउ जियायीसँग भेट गरी नेपालमा बैंकको लगानी विस्तार, विपद्पछिको पुनर्निर्माणमा सहयोग र सहुलियतपूर्ण ऋणमा नेपालको पहुँच वृद्धि गर्न आग्रह गरे। सोही बैठकमा नेपाल एआईआईबीको उपाध्यक्षमा निर्वाचित भएको छ। मन्त्री वाग्ले असोज १० गते अर्थ मन्त्रालयको आर्थिक सम्बन्ध महाशाखा प्रमुख अमृत लाम्साललगायतको नेपाली प्रतिनिधिमण्डलको नेतृत्व गर्दै दोहा प्रस्थान गरेका थिए।