अध्यादेश निष्क्रिय भएपछि कानुनी रिक्तता हटाउन विधेयक ल्याइएको मन्त्री गौतमको भनाइ

कानुन, न्याय तथा संसदीय मामिलामन्त्री सोविता गौतमले अध्यादेशमार्फत संशोधन गरिएका कानुनी व्यवस्था पुनः कायम गर्न ‘केही नेपाल ऐनको व्यवस्था जगाउने विधेयक, २०८३’ ल्याइएको बताएकी छन्। अध्यादेश ०८३ वैशाख १९ गते संविधानको धारा ११४ बमोजिम जारी भएको र निष्क्रिय हुँदा सार्वजनिक पदाधिकारीको पदमुक्तिसम्बन्धी व्यवस्थासहित विभिन्न कानुनमा रिक्तता देखिएको उनले जनाइन्। मंगलबार प्रतिनिधिसभा बैठकमा विधेयकमाथिको छलफलका क्रममा सांसदहरूले उठाएका प्रश्नको जवाफ दिँदै मन्त्री गौतमले यस्तो बताएकी हुन्।