संसदमा राष्ट्रिय रक्षा विश्वविद्यालय विधेयक अघि बढ्यो

प्रतिनिधि सभाको मंगलबारको बैठकमा राष्ट्रिय रक्षा विश्वविद्यालय विधेयक, २०८३ माथि विचार गर्ने प्रस्ताव सर्वसम्मत रूपमा स्वीकृत भएको छ। कानुन, न्याय तथा संसदीय मामिलामन्त्री सोबिता गौतमले प्रधानमन्त्री तथा रक्षामन्त्री बालेन्द्र शाहको तर्फबाट उक्त प्रस्ताव प्रस्तुत गरेकी थिइन्। सांसदहरूको जिज्ञासाको जवाफ दिँदै मन्त्री गौतमले प्रस्तावित विश्वविद्यालय सेनाका लागि मात्र नभई सैनिक र नागरिक दुवै जनशक्तिलाई सेवा दिने राष्ट्रियस्तरको शैक्षिक संस्था हुने बताइन्।