सरकारले संघीय निजामती सेवा विधेयक संसदमा दर्ता गर्‍यो

सरकारले संघीय निजामती सेवा विधेयक, २०८३ संघीय संसद् सचिवालयमा दर्ता गरेको छ। संघीय मामिला तथा सामान्य प्रशासन मन्त्री प्रतिभा रावलले बुधबार सचिवालयमा उक्त विधेयक दर्ता गरेको सचिवालयका प्रवक्ता एकराम गिरीले जानकारी दिए। विधेयक नं. ३५ का रूपमा दर्ता भएको यो विधेयक 'संघीय निजामती सेवाको गठन, सञ्चालन र सेवाका सर्तहरू संशोधन तथा एकीकरण गर्ने विधेयक' हो।