विद्युत् नियमन आयोगले तोक्यो राष्ट्रिय ग्रिड प्रयोगको नयाँ ह्विलिङ चार्ज

विद्युत् नियमन आयोगले पहिलो पटक राष्ट्रिय विद्युत् प्रसारण ग्रिडको प्रयोग गरेबापत लाग्ने प्रसारण शुल्क (ह्विलिङ चार्ज) निर्धारण गरेको छ। यसले विद्युत् व्यापारमा खुला पहुँचको ढोका औपचारिक रूपमा खोलेको छ। आयोगले विद्युत् प्रसारण तथा वितरण प्रणालीमा खुल्ला पहुँच सम्बन्धी निर्देशिका, २०८२ अन्तर्गत रही उक्त शुल्क तोकेको हो। काठमाडौँबाट सार्वजनिक यो निर्णयले निजी क्षेत्रलाई राष्ट्रिय ग्रिडमा पहुँच दिने अपेक्षा गरिएको छ।