सिरहामा टिपर र विद्युतीय सवारी ठोक्किँदा एकको मृत्यु, पाँच घायल

सिरहाको कर्जन्हा नगरपालिका-४ स्थित पूर्व-पश्चिम महेन्द्र राजमार्गमा टिपर र यात्रु बोकेको विद्युतीय सवारी ठोक्किँदा एक जनाको मृत्यु भएको छ भने पाँच जना घायल भएका छन्। घायलमध्ये दुई जनाको अवस्था गम्भीर रहेको प्रहरीले जनाएको छ। जिल्ला प्रहरी कार्यालय सिरहाका सूचना अधिकृत रमेश बहादुर पालका अनुसार विपरीत दिशाबाट आएको टिपरले यात्रुवाहक सवारीमा ठक्कर दिँदा दुर्घटना भएको हो।