प्रहरी पोशाक खरिद अनियमितताबारे छानबिन गर्न संसदीय उपसमिति गठन

प्रतिनिधिसभा अन्तर्गतको सार्वजनिक लेखा समितिले निर्वाचन प्रहरीको पोशाक खरिदमा भएको अनियमितताबारे अध्ययन गर्न नौ सदस्यीय उपसमिति गठन गरेको छ । शुक्रबार सिंहदरबारमा बसेको समिति बैठकले रास्वपा सांसद मनिष झाको संयोजकत्वमा उपसमिति गठन गरेको हो, जसलाई दुई महिनाको समयसीमा दिइएको छ । उपसमितिमा सांसदहरू ऐन महर, योगेश गौचन थकाली, आर्यन राई, खगेन्द्र सुनार, खुश्बु ओली, रमेशकुमार मल्ल, गणेश धिमाल र महेन्द्रबहादुर शाही सदस्य छन् । नेपाल प्रहरीले गत माघमा निर्वाचन प्रहरीका लागि पोशाक खरिद गरेको थियो र सांसद खगेन्द्र सुनारले त्यसमा अनियमितता भएको दाबी गर्दै प्रश्न उठाउँदै आएका छन् ।