सडक सुरक्षा सबैको जिम्मेवारी हो : काठमाडौँ प्रहरी प्रमुख

काठमाडौँ उपत्यका प्रहरी कार्यालयका प्रमुख सुशीलसिंह राठौरले सडक दुर्घटना न्यूनीकरणमा सवारी चालक, ट्राफिक प्रहरी र आम नागरिकको भूमिका महत्वपूर्ण हुने बताएका छन्। काठमाडौँ उपत्यका ट्राफिक प्रहरी कार्यालयद्वारा आज काठमाडौँमा आयोजित ‘सुरक्षित समाज, सुदृढ समाजः डेटामा आधारित सुशासनको अनुभव आदानप्रदान’ विषयक छलफलमा उनले यस्तो बताएका हुन्। चालकको लापरवाहीले चालक स्वयं, उनको परिवार र अन्य सडक प्रयोगकर्तालाई समेत असर पर्ने उनको भनाइ छ।