नेपाली कांग्रेसको १५औँ महाधिवेशनमा विभिन्न देशका दलबाट शुभकामना

नेपाली कांग्रेसको १५औँ महाधिवेशनका अवसरमा भारत, चीन, बंगलादेशलगायत विभिन्न देशका राजनीतिक दल तथा नेताहरूले शुभकामना सन्देश पठाएका छन्। आइतबारदेखि काठमाडौँको खुलामञ्चमा सुरु भएको महाधिवेशनका लागि भारतीय जनता पार्टीका अध्यक्ष नितिन नवीन, भारतीय राष्ट्रिय कांग्रेसका अध्यक्ष मल्लिकार्जुन खर्गे, चिनियाँ कम्युनिस्ट पार्टी तथा सोसलिस्ट इन्टरनेसनलका अध्यक्ष एवं स्पेनका प्रधानमन्त्री पेड्रो सान्चेजले शुभकामना दिएका छन्। सभापति गगनकुमार थापालाई पठाइएका ती सन्देशमा कांग्रेससँगको पुरानो राजनीतिक सम्बन्धलाई निरन्तरता दिने कुरा उल्लेख गरिएको छ।