गृहमन्त्री गुरुङले रास्वपा सभापति लामिछानेलाई बूढानीलकण्ठमा भेटे

गृहमन्त्री सुधन गुरुङले राष्ट्रिय स्वतन्त्र पार्टीका सभापति रवि लामिछानेको बूढानीलकण्ठस्थित निवासमा पुगेर भेटवार्ता गरेका छन्। गृहमन्त्रीको सचिवालयका एक सदस्यका अनुसार दुई नेताबीच समसामयिक राजनीतिक विषयमा कुराकानी भइरहेको छ भने रास्वपा स्रोतले पनि भेटवार्ता जारी रहेको बताएको छ। पूर्वप्रधानन्यायाधीश चोलेन्द्र शमशेर राणाको प्रकरणमा गृह मन्त्रालय विवादित बनेपछि लामिछाने र गुरुङबीच पहिलोपटक यो भेट भएको हो। कुराकानीको मुख्य विषय पनि राणाको प्रकरण नै हुन सक्ने आँकलन गरिएको छ।