अर्थतन्त्र सुधार्न हरित क्रान्ति आवश्यक रहेको कुलमान घिसिङको भनाइ

उज्यालो नेपाल पार्टीका अध्यक्ष कुलमान घिसिङले लामो समयदेखिको आर्थिक सङ्कट र अभावबाट गुज्रिरहेको मुलुकको अर्थतन्त्रलाई लयमा फर्काउन हरित क्रान्ति नै प्रमुख विकल्प भएको बताएका छन्। आइतबार काभ्रेको बनेपामा पार्टीको जिल्ला समिति कार्यालयको उद्घाटन तथा शुभकामना आदानप्रदान कार्यक्रममा उनले यस्तो धारणा राखेका हुन्। जिल्लाका गाउँपालिका तथा नगरपालिकामा पार्टीको सङ्गठन विस्तार भइसकेको उनले जानकारी दिए। देश निर्माणका लागि सहकार्य र समन्वयमार्फत सबै निरन्तर खटिनुपर्नेमा पनि उनले जोड दिए।