सांसद अन्सारीका आरोपमा मेडिकल कलेज एसोसिएसन र नेसनल मेडिकल कलेजको प्रतिक्रिया

निजी मेडिकल तथा डेन्टल कलेज एसोसिएसन अफ नेपालले सांसद रहबर अन्सारीले प्रतिनिधि सभामा नेसनल मेडिकल कलेज तथा शिक्षण अस्पताल, वीरगञ्जबारे गरेको आरोपमा छानबिनको माग गरेको छ। सांसद अन्सारीले काम नगर्ने व्यक्तिलाई संकाय सदस्यका रूपमा देखाएर स्नातकोत्तर (पीजी) सिट लिइएको र चिकित्सा शिक्षा आयोगको निरीक्षणका क्रममा नक्कली कागजात पेस गरिएको आरोप लगाएका थिए। नेसनल मेडिकल कलेजले भने सांसद रहबर अन्सारीले उठाएका भ्रमपूर्ण विषयको निष्पक्ष परीक्षण गर्न तयार रहेको जनाउँदै विज्ञप्ति जारी गरी आपत्ति र ध्यानाकर्षण व्यक्त गरेको छ। कलेजले प्रतिनिधि सभाको बैठकमा अन्सारीले व्यक्त गरेका सबै आरोपको जवाफ दिने बताएको छ।