अनलाइन बोलपत्र प्रणाली ह्याक प्रकरणमा थप नौ निर्माण व्यवसायी पक्राउ

सरकारी अनलाइन बोलपत्र प्रणाली ह्याक गरी ठेक्का हात पार्ने आरोपमा थप नौ जना निर्माण व्यवसायी पक्राउ परेका छन्। केन्द्रीय अनुसन्धान ब्युरो (सिआइबी)ले दोस्रो चरणको अनुसन्धानका क्रममा उनीहरूलाई पक्राउ गरेको हो। सार्वजनिक खरिद अनुगमन कार्यालयको वेबसाइट ‘बोलपत्र डटकम डट एनपी’ मा अनधिकृत पहुँच बनाई ठेक्काको विवरण हेरफेर गरेको आरोप उनीहरूमाथि छ। यसअघि यही प्रकरणमा ठेकेदार, ह्याकर तथा सरकारी कर्मचारीसहित २२ जनाविरुद्ध मुद्दा दायर भएको थियो।