कांग्रेस महाधिवेशनमा रेशम चौधरीले गीत गाउँदै लोकप्रिय नेतालाई जेल हाल्ने प्रवृत्तिको आलोचना गरे

नागरिक उन्मुक्ति पार्टीका संरक्षक रेशमलाल चौधरीले काठमाडौंमा नेपाली कांग्रेसको १५ औँ महाधिवेशनको उद्घाटन सत्रलाई सम्बोधन गर्दै गीत गाएका छन्। उनले नेपालको राजनीतिक र न्यायिक प्रवृत्तिको तीखो आलोचना गर्दै धेरै भोट पाएर लोकप्रिय बनेका जनप्रतिनिधिहरूलाई विभिन्न बहानामा कारागार पुर्‍याइने गरेको टिप्पणी गरे। जनताले मन पराएर भोट दिएका लोकप्रिय नेताहरूलाई झ्यालखानामा थुन्ने प्रवृत्ति बन्द गर्न उनले माग गरे। सम्बोधनका क्रममा उनले राष्ट्रिय स्वतन्त्र पार्टीका सभापति रवि लामिछाने कारागारमा रहेको विषय पनि उल्लेख गरे।