जेन जी प्रदर्शनकारीविरुद्धका मुद्दा फिर्ता गर्ने प्रतिवेदन गृह मन्त्रालय पठाउने सरकारको निर्णय

जेन जी प्रदर्शनकारीविरुद्ध दर्ता भएका फौजदारी मुद्दा फिर्ता लिने वा नलिने सम्बन्धमा तयार भएको प्रतिवेदन आवश्यक कार्यान्वयनका लागि गृह मन्त्रालयमा पठाउने सरकारले निर्णय गरेको छ। सिंहदरबारमा सोमबार बसेको मन्त्रिपरिषद् बैठकले पूर्वन्यायाधीश बाबुराम रेग्मीको नेतृत्वमा गठित समितिले तयार पारेको प्रतिवेदन पठाउने निर्णय गरेको हो। फौजदारी मुद्दा फिर्ता लिने विषय अध्ययन गर्न गठित समितिले अध्ययन सकेर प्रतिवेदन बुझाएको छ।