अत्यधिक गर्मीले गर्भवती र नवजात शिशु जोखिममा रहेको संयुक्त राष्ट्रसंघको चेतावनी

जलवायु परिवर्तनका कारण बढ्दै गएको अत्यधिक गर्मीले गर्भवती महिला र नवजात शिशुको स्वास्थ्यमा गम्भीर जोखिम बढाइरहेको संयुक्त राष्ट्रसंघका जलवायु प्रमुख साइमन स्टिलले चेतावनी दिएका छन्। फिजीको नाडीमा आयोजना हुने ‘प्रि–कोप’ शिखर सम्मेलनमा उनले अत्यधिक गर्मीका कारण समयपूर्व जन्म, मृत शिशु जन्म, कम जन्मतौल र मातृ स्वास्थ्यसम्बन्धी जटिलता बढिरहेको विषय उठाउनेछन्। पाँच महाद्वीपका स्वास्थ्यकर्मीबाट संकलित प्रमाणका आधारमा उनले यस्तो चेतावनी दिएका हुन्।