परराष्ट्रमन्त्री खनाल: नेपाल र प्रशान्त टापु राष्ट्र जलवायु सङ्कटको अग्रपङ्क्तिमा

परराष्ट्रमन्त्री शिशिर खनालले नेपाल र प्रशान्त क्षेत्रका साना टापु राष्ट्रहरू भौगोलिक रूपमा टाढा भए पनि जलवायु परिवर्तनका कारण एउटै पारिस्थितिक सङ्कटको अग्रपङ्क्तिमा रहेको बताएका छन्। फिजीमा आयोजित ‘प्रि–कोप लिडर्स इभेन्ट’अन्तर्गतको उच्चस्तरीय ‘लिडर्स प्लेनरी’लाई सम्बोधन गर्दै उनले हिमाल र महासागरबीच गहिरो अन्तरसम्बन्ध रहेको उल्लेख गरे। उनले उच्च हिमाली क्षेत्रमा पर्ने जोखिमतर्फ पनि ध्यानाकर्षण गराए।