विपदमा बेपत्ता व्यक्तिका लागि कानुन संशोधन छिटो प्रक्रियाबाट गरिने

जलवायुजन्य विपदमा बेपत्ता भएका व्यक्तिको मृत्यु दर्ता गर्ने कानुनी जटिलता समाधान गर्न कानुन, न्याय तथा संसदीय मामिला मन्त्रालयले 'फास्ट ट्र्याक' मार्फत कानुन संशोधनको प्रक्रिया अघि बढाउने भएको छ। काठमाडौंमा असोज २० गते जलवायु परिवर्तनको प्रभावसम्बन्धी संसदीय विशेष समितिको बैठकमा सहसचिव सुभाष कुमार भट्टराईले यो जानकारी दिनुभयो। कानुन, न्याय तथा संसदीय मामिला मन्त्री सोविता गौतमले कानुन संशोधनको तयारी भइरहेको बताउनुभयो।