अध्ययन: ७० प्रतिशत नेपालीलाई आवास खर्च धान्न कठिनाइ

ह्याबिट्याट फर ह्युम्यानिटी इन्टरनेसनलले सार्वजनिक गरेको अन्तर्राष्ट्रिय अध्ययनले नेपालमा ७० प्रतिशत नेपालीलाई आवाससम्बन्धी खर्च नियमित रूपमा धान्न कठिनाइ हुने देखाएको छ। ‘होम एट ह्वाट कस्ट ? ग्लोबल हाउजिङ रिसर्च २०२६’ नामक उक्त प्रतिवेदनअनुसार नेपालमा १० मध्ये सात उत्तरदायीले बढ्दो आवास खर्च धान्न कठिन भएको बताएका छन्। यो नतिजा काठमाडौँबाट असोज २२ गते सार्वजनिक भएको हो।