काठमाडौंमा लोपोन्मुख आदिवासी र दलित विद्यार्थीलाई विद्युतीय चुलो वितरण

वैकल्पिक ऊर्जा प्रवर्द्धन केन्द्रले स्वच्छ ऊर्जा कार्यक्रम अन्तर्गत काठमाडौं उपत्यकामा डेरा गरी बस्ने लोपोन्मुख आदिवासी जनजाति तथा दलित वर्गका विद्यार्थीलाई विद्युतीय चुलो वितरण सुरु गरेको छ । गत मङ्गलबारदेखि सुरु भएको वितरणमा २५० विद्यार्थीले विद्युतीय चुलो पाएका छन् । एलपी ग्यासको मूल्यवृद्धि र सहज उपलब्धता नहुँदा विद्यार्थीले भोग्नुपरेको समस्या मध्यनजर गर्दै राहत स्वरूप यो वितरण गरिएको हो । ऊर्जा, जलस्रोत तथा सिंचाइ मन्त्री विराजभक्त श्रेष्ठ र उद्योग, वाणिज्य तथा आपूर्ति मन्त्री दीपक कुमार शाहको संयुक्त पहलमा वितरण सुरु भएको हो ।