राष्ट्रिय ग्रिडको ह्विलिङ चार्ज महँगो भन्दै इप्पानद्वारा पुनरावलोकनको माग

स्वतन्त्र ऊर्जा उत्पादकहरूको संस्था, नेपाल (इप्पान) ले विद्युत नियमन आयोगले २०८३ असोज १५ गते सार्वजनिक गरेको राष्ट्रिय विद्युत प्रसारण ग्रिडको प्रसारण शुल्क (ह्विलिङ चार्ज) सम्बन्धी मापदण्ड २०८३ लाई सैद्धान्तिक रूपमा स्वागत गरेको छ। तर मंगलबार बसेको इप्पानको २०७ औं कार्यसमिति बैठकले प्रति किलोवाट ५७ पैसा र मध्यकालीन तथा दीर्घकालीन खुला पहुँचका लागि तोकिएको दर महँगो भएको निष्कर्ष निकालेको छ। बैठकले शुल्क निर्धारणको विधिमा पनि प्रश्न उठाउँदै दर पुनरावलोकन गर्न माग गरेको छ। राष्ट्रिय प्रसारण ग्रिडमा खुला पहुँचको माग सम्बोधन भएको भन्दै इप्पानले निजी क्षेत्रको लामो समयदेखिको माग पूरा भएको जनाएको छ।