बेनी–जोमसोम सडक खुल्यो, मुस्ताङबाट १७३ कन्टेनर प्रस्थान

मुस्ताङको बेनी–जोमसोम सडकमा यातायात सुचारु भएपछि चीनबाट आयातित सामान बोकेका १७३ कन्टेनर पोखरा, काठमाडौंलगायत गन्तव्यतर्फ प्रस्थान गरेका छन्। जिल्ला प्रहरी कार्यालयका प्रहरी निरीक्षक तथा सूचना अधिकारी सनोतोष बस्यालका अनुसार कोरला नाका हुँदै आएका ती कन्टेनर अब गन्तव्यतर्फ जान थालेका हुन्। सडक बन्द हुँदा रोकिएको मालसामान ढुवानी यसरी पुनः सुरु भएको छ।