साउदी–यमन तनाव बढ्दा इरानद्वारा संवादको प्रस्ताव

इरानले साउदी अरब र यमनबिचको संवाद प्रक्रिया अघि बढाउन तथा जारी द्वन्द्वको राजनीतिक समाधान खोज्न आवश्यक सहयोग उपलब्ध गराउन आफू तयार रहेको जनाएको छ । इरानका विदेशमन्त्री सैयद अब्बास अराघचीले आइतबार साउदी अरबका विदेशमन्त्री राजकुमार फैसल बिन फरहान बिन अब्दुल्लाह अल साउदसँग टेलिफोन वार्ता गर्दै उक्त प्रतिबद्धता व्यक्त गरेका हुन् । साउदी अरब र हुथीबिच तनाव बढिरहेको बेला इरानले यस्तो प्रस्ताव गरेको हो ।