राष्ट्रपति पौडेलद्वारा वन र भूमिसम्बन्धी दुई अध्यादेश जारी

राष्ट्रपति रामचन्द्र पौडेलले मंगलबार वन र भूमिसम्बन्धी कानुन संशोधन गर्ने दुई अध्यादेश जारी गरेका छन्। जारी भएका अध्यादेशहरू ‘वनसम्बन्धी केही नेपाल ऐनलाई संशोधन गर्ने अध्यादेश–२०८३’ र ‘भूमिसम्बन्धी केही नेपाल ऐनलाई संशोधन गर्ने अध्यादेश–२०८३’ हुन्। राष्ट्रपतिको कार्यालयका अनुसार नेपालको संविधानको धारा ११४ को उपधारा (१) बमोजिम मन्त्रिपरिषद्को सिफारिसमा यी अध्यादेश जारी गरिएका हुन्। राष्ट्रपति कार्यालयका प्रवक्ता श्याम प्रसाद भण्डारीले दुवै अध्यादेश जारी भएको जानकारी दिएका छन्।