स्पेनका लागि प्रस्तावित राजदूत शेरचनले संसदीय सुनुवाइ समितिमा कार्ययोजना पेस गरिन्

स्पेनका लागि प्रस्तावित नेपाली राजदूत प्राप्ति शेरचनले मंगलबार संघीय संसद्को संसदीय सुनुवाइ समितिमा आफ्नो कार्ययोजना र अवधारणा प्रस्तुत गरेकी छिन् । उनले म्याड्रिडस्थित नेपाली राजदूतावासलाई थप सक्रिय, सर्वसुलभ र परिणाममुखी बनाउने प्रतिबद्धता व्यक्त गरिन् । दुई देशबीचको सम्बन्ध विस्तार, आर्थिक कूटनीति र श्रमिक हितलाई केन्द्रमा राखेर काम गर्ने उनले स्पष्ट पारिन् । उनले आर्थिक कूटनीति र ‘फेमिनिस्ट डिप्लोमेसी’लाई जोड दिँदै चारखम्बे रणनीति पेस गरेकी छिन् ।