धनुषाका २३३ भूमिहीन परिवारले पाए जग्गा धनी पुर्जा

धनुषाको धनौजी गाउँपालिका–३ का २३३ भूमिहीन बसोबासी परिवारले करिब ११ वर्षपछि जग्गा धनी पुर्जा प्राप्त गरेका छन्। सर्वेक्षण कार्यालय धनौजीले पूर्व जोझी कटैया गाउँ विकास समितिको वडा १ देखि ९ सम्मका परिवारलाई उक्त धनी पुर्जा वितरण गरेको हो। लामो समयदेखि औपचारिक जग्गा स्वामित्व कागजातविहीन अवस्थामा बस्दै आएका ती परिवारले अब जग्गाको कानुनी स्वामित्व पाएका छन्।