एमालेको थिंक ट्याङ्क इन्स्पायरको वेबसाइट सार्वजनिक

नेकपा (एमाले)का अध्यक्ष केपी शर्मा ओलीले पार्टीको थिंक ट्याङ्क नीति अध्ययन तथा अनुसन्धान प्रतिष्ठान नेपाल (इन्स्पायर)को वेबसाइट सार्वजनिक गरेका छन्। इन्स्पायरका अध्यक्ष विष्णु रिमालका अनुसार यस प्रतिष्ठानमार्फत नेपालले सामना गरिरहेका राजनीतिक, आर्थिक, सामाजिक, सांस्कृतिक, प्रविधिगत तथा भूराजनीतिक चुनौतीहरूको अध्ययन अनुसन्धान गरिनेछ। रिमालका अनुसार इन्स्पायरमार्फत नीति निर्माता र विषय विज्ञहरूलाई एकै ठाउँमा ल्याई वेबसाइटमार्फत नीति बहसलाई सार्वजनिक गरिनेछ।