इम्युनोसप्रेसेन्ट औषधिको बिक्री-वितरणमा रोक छैन : औषधि व्यवस्था विभाग

औषधि व्यवस्था विभागले इम्युनोसप्रेसेन्ट वर्गका औषधिको बजारमा बिक्री-वितरण तथा प्रयोगमा कुनै रोक नलगाइएको बिहीबार स्पष्ट पारेको छ। विभागले प्रेस विज्ञप्ति जारी गर्दै निर्धारित मापदण्ड पूरा नगरेका वा तोकिएको समयभित्र जोखिम मूल्याङ्कनसम्बन्धी कागजात पेस नगरेका ४७ ब्रान्डका औषधिको नयाँ उत्पादन तथा आयातमा मात्र रोक लगाइएको जनाएको छ। हालै जारी गरिएको सूचनालाई लिएर सञ्चारमाध्यम तथा सामाजिक सञ्जालमा भ्रम र अन्योल सिर्जना भएपछि विभागले यस्तो स्पष्टीकरण दिएको हो। विभागका अनुसार यी औषधिको सहज आपूर्ति जारी रहनेछ।