अलोकतान्त्रिक ढङ्गले सत्ता परिवर्तन गराउने प्रवृत्तिमाथि अनुसन्धानको माग

नेकपा एमालेका अध्यक्ष केपी शर्मा ओलीले अलोकतान्त्रिक, असामाजिक र आपराधिक तरिकाले सत्ता परिवर्तन गराउने तथा आफ्ना अनुकूलका पपेट सरकार स्थापना गर्ने प्रवृत्तिमाथि अनुसन्धान हुनुपर्ने बताएका छन्। बिहीबार काठमाडौँको च्यासलस्थित पार्टी कार्यालयमा नीति अध्ययन तथा अनुसन्धान प्रतिष्ठानको वेबसाइट सार्वजनिकीकरण कार्यक्रममा बोल्दै अध्यक्ष ओलीले लोकतन्त्रलाई अलोकतान्त्रिक ढङ्गले हुत्त्याउने प्रवृत्तिको अन्त्य हुनुपर्नेमा जोड दिए।