नेप्से पुनर्संरचनाबारे धितोपत्र बोर्ड र नेप्सेबीच छलफल

नेपाल स्टक एक्सचेन्ज (नेप्से) को सुधार प्रक्रिया अघि बढाउन धितोपत्र बोर्ड (सेबोन) का उच्च पदाधिकारी र नेप्सेको सञ्चालक समितिबीच ३० असोजमा काठमाडौंमा छलफल भएको छ। छलफल नेपाल सरकारले गठन गरेको नेप्से पुनर्संरचना सम्बन्धी सुझाव समितिको प्रतिवेदन कार्यान्वयन तथा दोस्रो बजार सञ्चालन, व्यवस्थापन एवम् उपकरण तथा सेवा विविधिकरणमा केन्द्रित रहेको थियो। यसैगरी नेप्सेको संस्थागत संरचना, स्वामित्व, सुशासन, प्रविधि, जनशक्ति, कार्य प्रक्रिया र कारोबार प्रणालीमा गर्नुपर्ने सुधारबारे पनि छलफल भएको छ। छलफलमा बोर्ड अध्यक्ष लगायत बोर्डको उच्च व्यवस्थापन तथा नेप्सेको सञ्चालक समिति र उच्च व्यवस्थापनको सहभागिता रहेको थियो।