प्रहरी दिवसमा एसपी अंगुर जीसीलाई पूर्ण शान्ति पुरस्कार

बाँके जिल्ला प्रहरी कार्यालयका प्रमुख प्रहरी उपरीक्षक अंगुर जीसीले ‘पूर्ण शान्ति पुरस्कार’ प्राप्त गरेका छन्। ७१औँ प्रहरी दिवसका अवसरमा प्रहरी प्रधान कार्यालयमा आयोजित कार्यक्रममा गृहमन्त्री सुधन गुरुङले उनलाई उक्त पुरस्कार प्रदान गरे। शान्ति तथा सुरक्षा, मानव संसाधन व्यवस्थापन र प्रविधिमा आधारित प्रहरी सेवा विस्तारमा पुर्‍याएको योगदानका लागि एसपी जीसीलाई पुरस्कृत गरिएको हो।