एआईले नेपोलियनको दुई सय वर्ष पुरानो गोप्य सन्देश पढ्यो

टोकियोमा अनुसन्धानकर्ताहरूले कृत्रिम बुद्धिमत्ता (एआई) को सहायताले फ्रान्सेली सम्राट नेपोलियन बोनापार्टले दुई सय वर्षभन्दा बढी समयअघि पठाएको गोप्य युद्धकालीन सन्देश पढ्न सफल भएका छन्। सन् १८०९ मा फ्रान्सेली सेनाका एक जनरललाई पठाइएको उक्त सन्देशमा प्रतीक, सङ्ख्या र अक्षर प्रयोग गरिएको थियो, जुन एआईको सहायताले केही घण्टामै पढ्न सम्भव भयो। यसले ऐतिहासिक अभिलेखमा लुकेका रहस्य पत्ता लगाउने काम अब विद्वान् र अनुभवी संकेतविद्याको मात्र सीमित नरहेको देखाएको छ।