ट्रम्प भन्छन्– जेडी भान्सको २०२८ राष्ट्रपति उम्मेदवारीबारे अहिले नै चर्चा गर्नु हतार

अमेरिकी राष्ट्रपति डोनाल्ड ट्रम्पले राष्ट्रपति पदका लागि आफ्नो उत्तराधिकारीबारे अहिले नै चर्चा गर्नु हतार हुने मंगलबार बताएका छन्। ह्वाइट हाउसको ओभल अफिसमा पत्रकारहरूसँग कुरा गर्दै उनलाई सन् २०२८ को राष्ट्रपति निर्वाचनमा उपराष्ट्रपति जेडी भान्सलाई समर्थन गर्ने हो कि होइन भनी सोधिएको थियो। त्यसबेला भान्स ट्रम्पको पछाडि उभिएका थिए। ट्रम्पले भान्सको प्रशंसा गरे पनि उनको सम्भावित उम्मेदवारीबारे अहिले नै प्रतिबद्धता जनाएनन्।