पश्चिम एसियाली युवा चेस च्याम्पियनसिपका लागि नेपाली टोली भारत प्रस्थान

पश्चिम एसियाली युवा चेस च्याम्पियनसिप २०२६ मा सहभागी हुन नेपाली टोली भारतको गुजरातस्थित अहमदाबादतर्फ प्रस्थान गरेको छ। उक्त प्रतियोगिता यही अक्टोबर २२ देखि ३१ तारिखसम्म आयोजना हुनेछ। नेपाल बुद्धिचाल महासङ्घका प्रवक्ता राजु ताम्राकारले आज बिहान त्रिभुवन अन्तर्राष्ट्रिय विमानस्थलमा १८ जनाको खेल टोलीलाई बिदाइ गरे। महासङ्घले केन्द्रीय सदस्य नीता सैंजुको नेतृत्वमा विभिन्न उमेर समूहका खेलाडी पठाएको छ।