धरानमा सामाजिक सञ्जालले बढायो राँगाको सुकुटी कारोबार

सुनसरीको धरानमा राँगाको सुकुटी र त्यसबाट बनाइने अचारको व्यापार फस्टाउँदै गएको छ। घरमै सुकुटी र अचार तयार पारेर बिक्री गर्ने महिलाले पछिल्लो समय सामाजिक सञ्जाललाई व्यापार विस्तारको माध्यम बनाएका छन्। टिकटक, फेसबुक र इन्स्टाग्राममार्फत उत्पादनको प्रचार गर्दा स्वदेश तथा विदेशका विभिन्न ठाउँबाट अर्डर आउने व्यापारी बताउँछन्। धरानको मुख्य चोक भानुचोकबाट पूर्वतर्फ रहेको निकेतन गल्लीमा सुकुटी बिक्री गर्ने पसल लस्करै छन् र मासिक एक लाख रुपैयाँसम्म आम्दानी हुने गरेको छ।