संयुक्त राष्ट्रसंघ प्रमुख गुटेरेसले युद्ध विस्तार रोक्न र संयम अपनाउन आग्रह गरे

संयुक्त राष्ट्रसंघका महासचिव एन्टोनियो गुटेरेसले यमनमा बढ्दो शत्रुताप्रति संयम अपनाउन आग्रह गर्दै साउदी अरबमा नागरिक लक्षित हुथी आक्रमणको निन्दा गरेका छन्। यमनलाई राजनीतिक बाटो आवश्यक रहेको उनको भनाइ छ। शनिबार इजिप्ट पुगेका गुटेरेसले युद्धले विश्वव्यापी असमानता गहिरो बनाउँदै आर्थिक दबाब बढाएको बताउँदै युद्ध विस्तार रोक्न, नागरिकको संरक्षण गर्न र कूटनीतिलाई थप स्थान दिन आग्रह गरे। उनले यी कुरा एक्समा गरेको पोस्टमार्फत बताएका छन्।