विद्यादेवी भण्डारीले चीनमा विश्वव्यापी सुशासन मञ्चलाई सम्बोधन गरिन्

पूर्वराष्ट्रपति विद्यादेवी भण्डारीले चीनको हपेई प्रान्तस्थित सियोङआनमा शुक्रबारदेखि सुरु भएको सन् २०२६ को विश्वव्यापी सुशासन मञ्चलाई सम्बोधन गरेकी छन् । उनले विश्वव्यापी सुशासन प्रणालीलाई न्यायपूर्ण, समावेशी र प्रभावकारी बनाउन सबै राष्ट्रको समान सहभागिता तथा अर्थपूर्ण प्रतिनिधित्व आवश्यक रहेको बताइन् । नेकपा एमालेकी वरिष्ठ नेता समेत रहेकी भण्डारीले विश्वका साझा चुनौती समाधान गर्न संवाद, सहकार्य र सामूहिक प्रतिबद्धता आवश्यक रहेको तथा मतभेदको समाधान हतियारबाट नभई वार्ता र कूटनीतिमार्फत हुनुपर्ने जोर दिइन् । उनले निर्णयहरू जनकेन्द्रित हुनुपर्नेमा पनि जोड दिइन् ।