सर्लाहीका किसान अन्सारी व्यावसायिक गोलभेँडा खेतीबाट उदाहरण

सर्लाहीको हरिवन नगरपालिका–४, सासापुरका महमद अकबर अन्सारी वैदेशिक रोजगारीका लागि विदेश जानुभन्दा आफ्नै माटोमा राम्रो आम्दानी गर्न सकिन्छ भन्ने उदाहरण बनेका छन्। कतार र साउदी अरेबियामा वैदेशिक रोजगारी गरेका अन्सारी पछिल्लो आठ वर्षदेखि आफ्नै गाउँमा व्यावसायिक रूपमा गोलभेँडा खेती गर्दै आएका छन्। उन्नत ढङ्गले कृषि कर्म गर्न सके आफ्नै ठाउँमा राम्रो आम्दानी गर्न सकिन्छ भन्ने उदाहरणका रूपमा उनको प्रसंग प्रस्तुत गरिएको छ।